അദ്ദിക്ർ

മുമ്പ് വന്നിട്ടുള്ള 312 ഗ്രന്ഥങ്ങളും അവയുടെ നേരെച്ചൊവ്വെയുള്ള വിശദീകരണങ്ങളും അടങ്ങിയ അദ്ദിക്ര്‍ പ്രവാചകന് അവതരിപ്പിക്കപ്പെട്ടത് മനുഷ്യര്‍ക്ക് എന്തൊന്നാ ണോ നാഥനില്‍ നിന്ന് അവതരിപ്പിക്കപ്പെട്ടത്, അത് അവര്‍ക്ക് വിശദീകരിച്ചുകൊടുക്കുന്നതിനും അവര്‍ അത് പ്രതിഫലിപ്പിക്കുന്നതിനും വേണ്ടിയാണെന്ന് 16: 43-44 ല്‍ പറഞ്ഞിട്ടുണ്ട്. എല്ലാ ഓരോ കാര്യവും വിശദീകരിക്കുന്ന അദ്ദിക്ര്‍ സര്‍വസ്വം നാഥന് സമര്‍പ്പിച്ച് ജീവിക്കുന്ന മുസ്ലിംകള്‍ക്ക് സന്മാര്‍ഗവും കാരുണ്യവും ശുഭവാര്‍ത്താദായകവുമാണ് എന്ന് 16: 89 ല്‍ പറഞ്ഞിട്ടുണ്ട്. 7: 26 ല്‍ വിവരിച്ച പ്രകാരം ആത്മാവിനെ പരിഗണിക്കാതെ ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയ ഫുജ്ജാറുകള്‍ മരണസമയത്ത് 'കാഫിറുകള്‍ തന്നെയായിരുന്നു' എന്ന് സാക്ഷ്യം വഹിക്കുന്നതാണ്. നാഥന്‍റെ സംസാരമായ അദ്ദിക്റിനെ മൂടിവെക്കുകയും ത ള്ളിപ്പറയുകയും ചെയ്യുന്ന ഇത്തരം ഫുജ്ജാറുകളെ 7: 175-176 ല്‍ ഉപദ്രവിച്ചാലും ഇല്ലെങ്കിലും മാറ്റം വരാത്ത നായയോടാണ് ഉപമിച്ചതെങ്കില്‍ 62: 5 ല്‍ അക്രമികളായ ഇവരെ വ ഹിക്കുന്ന ഭാരം എന്തെന്നറിയാത്ത കഴുതകളോടാണ് ഉപമിച്ചിട്ടുള്ളത്. കാഴ്ചയുണ്ടായി ട്ടും ദിക്രീ എന്ന ഗ്രന്ഥം കാണാത്തവരും കേള്‍വിയുണ്ടായിട്ടും ദിക്രീ എന്ന ഗ്രന്ഥം കേ ള്‍ക്കാത്തവരുമായ ഈ കാഫിറുകള്‍ക്ക് നരകക്കുണ്ഠമാണ് വിധിദിവസം ലഭിക്കുക എ ന്ന് 18: 100-101 ല്‍ പറഞ്ഞിട്ടുണ്ട്. ത്രികാലജ്ഞാനിയില്‍ നിന്നുള്ള എല്ലാ അറിവുകളും ഉ ള്‍ക്കൊള്ളുന്ന അദ്ദിക്ര്‍ ഉപയോഗപ്പെടുത്തി സ്വയം സംസ്കരിക്കുകയും അത് ജനങ്ങള്‍ക്ക് എത്തിച്ച് കൊടുത്ത് മറ്റുള്ളവരെ സംസ്കരിപ്പിക്കാന്‍ സഹായിക്കുകയും ചെയ്ത് പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താന്‍ പരിശ്രമിക്കണമെന്നും കല്‍പിക്കുന്നു. 2: 129; 10: 60-61 വിശദീകരണം നോക്കുക.